Маълумот оид ба раёсати кадрҳо ва корҳои махсус
Раёсати кадрҳо ва корҳои махсуси Муассисаи давлатии «Консерваторияи миллии Тоҷикистон ба номи Т. Сатторов» воҳиди мустақили Консерватория ба шумор рафта, фаъолияти худро дар асоси Конститутсияи Ҷумҳурии Тоҷикистон, Кодекси меҳнати Ҷумҳурии Тоҷикистон, Қонуни Ҷумҳурии Тоҷикистон «Дар бораи ҳифзи меҳнат», Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ», «Дастурамали намунавии коргузорӣ дар мақомоти давлатӣ, муассиса, корхона ва дигар ташкилотҳои Ҷумҳурии Тоҷикистон», Дастурамали вазифавии ҳайати роҳбарикунанда ва омӯзгории муассисаи таҳсилоти олии касбии Ҷумҳурии Тоҷикистон, «Оинномаи Муассисаи давлатии Консерваторияи миллии Тоҷикистон ба номи Т. Сатторов» ва «Қоидаҳои тартиботи дохилии меҳнатии Муассисаи давлатии Консерваторияи миллии Тоҷикистон ба номи Т. Сатторов» ба роҳ мондааст. Санадҳои зикршуда, вазифаҳои асосии Раёсати кадрҳо ва корҳои махсусро оид ба амалӣ намудани сиёсати кадрӣ ба таври муфассал ва дақиқ муайян намудааст: банақшагирии масъалаҳои кадрӣ, таҳияи муқаррарот барои ишғоли вазифаҳо ва ҷойҳои кори холӣ, иҷрои вазифаҳои касбии кормандони нав, ҷобаҷогузории кадрҳои маъмурӣ, илмӣ, педагогӣ, техникӣ, ҳайати ёрирасону хизматрасонии таълимӣ ва хоҷагидорӣ, муайян намудани талабот ва мутобиқати касбӣ, тағирот дар ҳайати шахсӣ, интихоби кадрҳои баландихтисос, таҳия ва пешниҳод намудани лоиҳаи фармоишҳо барои ишғоли вазифаҳои профессор, омӯзгор ва роҳбар, ҳамзамон, танзими интизоми меҳнат. Фаъолияти Раёсати кадрҳо ва корҳои махсусро сардори раёсат ба роҳбарӣ мегирад ва бевосита ба ректори Консерваторияи миллии Тоҷикистон ба номи Т. Сатторов тобеъ мебошад.
Раёсат баробари таъсиси Консерватория (2003) фаъолияти худро ҳамчун «Шуъбаи кадрҳо» оғоз намуда, аз соли 2022 то ҳол бо номи «Раёсати кадрҳо ва корҳои махсус» фаъолият намуда истодааст. Соҳибова Ҳ.М., Раҳимова Б.М., Сиҷоатова М.Ғ. ва Партовов Ф. ба ҳайси сардори шуъбаи кадрҳо фаъолият кардаанд. Айни замон сардори Раёсати кадрҳо ва корҳои махсус Иброҳимзода Юсуф Абдураҳим мебошад.
Сардори раёсати кадрҳо ва корҳои махсус – Иброҳимзода Юсуф Абдураҳим
Иброҳимзода Юсуф Абдураҳим аз 01 майи соли 2024 то имрӯз дар вазифаи Сардори раёсати кадрҳо ва корҳои махсуси Консерваторияи миллии Тоҷикистон ба номи Талабхӯҷа Сатторов фаъолият менамояд.
Фаъолияти ӯ ба ташкили самараноки сиёсати кадрӣ, танзими ҳуҷҷатгузорӣ, корҳои махсус ва таъмини иҷрои талаботи меъёрҳои соҳавӣ равона гардидааст.
Cобиқаи корӣ:
- 15 октябри 2020 – октябри 2022 – Нозир, сармутахассиси раёсати кадрҳо ва корҳои махсуси Консерваторияи миллии Тоҷикистон ба номи Т. Сатторов.
- Октябри 2022 – октябри 2023 – Хизмат дар сафи Қувваҳои Мусаллаҳи Ҷумҳурии Тоҷикистон.
- 27 октябри 2023 – майи 2024 – Сармутахассиси раёсати кадрҳо ва корҳои махсуси Консерваторияи миллии Тоҷикистон ба номи Т. Сатторов.
- Аз 01 майи 2024 то ҳол – Сардори раёсати кадрҳо ва корҳои махсус.
Маълумот барои тамос:
Телефон: 2270710, 988127573
E-mail: tosovm96@gmail.com
Бойгонӣ
Бойгонии Консерваторияи миллии Тоҷикистон ҳамчун як воҳиди муҳими сохторӣ дар низоми идоракунӣ ва фаъолияти таълимӣ-эҷодии муассиса нақши калидӣ мебозад. Мақсади асосии он таъмини ҳифз, нигоҳдорӣ ва истифодаи дурусти ҳуҷҷатҳои расмӣ, илмӣ ва эҷодии консерватория мебошад. Бойгонӣ на танҳо макони ҷамъоварии санадҳо, балки махзани хотираи таърихии муассиса ба шумор меравад, ки дар он тамоми марҳилаҳои рушд, дастовардҳо, тағйироти сохторӣ ва фаъолияти омӯзгорону донишҷӯён инъикос меёбанд.
Ҳуҷҷатҳое, ки дар бойгонӣ нигоҳ дошта мешаванд, метавонанд фармонҳои роҳбарият, қарорҳо, протоколҳои ҷаласаҳо, ҳисоботи солона, барномаҳои таълимӣ, нақшаҳои корӣ, парвандаҳои шахсии донишҷӯён ва кормандон бошанд.
Ҳифзи дарозмуддати ҳуҷҷатҳо яке аз самтҳои асосии фаъолияти бойгонӣ ба ҳисоб меравад. Барои нигоҳдории босифат бояд шароити махсуси ҳароратӣ ва намнокӣ таъмин карда шавад, то ки коғаз, дастхатҳо, нотаҳо ва дигар мавод осеб набинанд. Бойгонӣ инчунин барои муҳофизати ҳуҷҷатҳо аз сӯхтор, намкашӣ ва дигар омилҳои хатарнок чораҳои амниятӣ меандешад. Бо ҷорӣ намудани технологияҳои иттилоотӣ бойгонӣ метавонад пойгоҳи додаҳои муосир таъсис дода, равандҳои ҷустуҷӯ ва истифодаи иттилоотро самаранок намояд.
Яке аз вазифаҳои муҳими бойгонӣ таъмини дастрасии қонунӣ ва танзимшуда ба ҳуҷҷатҳо мебошад. Ҳангоми муроҷиати кормандон, донишҷӯён ё пажӯҳишгарон бойгонӣ тибқи қоидаҳои муқарраргардида маълумот пешниҳод менамояд. Дар баробари ин, риояи махфият ва ҳифзи маълумоти шахсӣ таъмин карда мешавад.
Бойгонӣ инчунин дар такмили фарҳанги ҳуҷҷатнигорӣ дар дохили муассиса саҳм мегузорад. Он ба шуъбаҳо ва кормандон машварат медиҳад, тартиби дурусти таҳия ва нигоҳдории санадҳоро мефаҳмонад ва назорат мебарад, ки талаботи муқарраршуда риоя карда шаванд. Ин фаъолият ба беҳтар гардидани сифати кори идорӣ ва коҳиш ёфтани хатогиҳо мусоидат менамояд. Ҳамзамон, бойгонӣ метавонад дар омода намудани мавод барои ҷашнҳо, конфронсҳо ва чорабиниҳои илмӣ саҳм гузорад, зеро дорои захираи ғании иттилоотӣ мебошад.
Дар маҷмӯъ, мақсад ва вазифаҳои бойгонии Консерваторияи миллии Тоҷикистон ба ҳифз ва истифодаи самараноки мероси ҳуҷҷатӣ ва фарҳангии муассиса равона гардидаанд. Бойгонӣ ҳамчун маркази нигоҳдории хотираи таърихӣ, манбаи иттилооти боэътимод ва ҷузъи муҳими низоми идоракунӣ амал мекунад. Самаранокии фаъолияти он ба рушди устувори консерватория, таҳкими пояҳои илмӣ ва эҷодӣ ва ҳифзи арзишҳои фарҳангии миллӣ мусоидат менамояд
Шарифи Ашур Масъули бойгони Консерватория
Собиқа ва фаъолияти корӣ:
- 2016-2020 – таҳсил дар зинаи бакалаврии Академияи идоракунии давлатии назди президенти Ҷумҳурии Тоҷикистон
- 2020-2022 – таҳсил дар зинаи магистратураи Академияи идоракунии давлатии назди президенти Ҷумҳурии Тоҷикистон
- 15.11.2020-01.05.2022 – лаборанти кафедраи режиссураи овоз ва навозандагии эстрадӣ
- 01.05.2022-01.04.2023 – хизмат дар сафи Қувваҳои Мусаллаҳи Ҷумҳурии Тоҷикистон
- 01.04.2023-то ин ҷониб – сармутахассис (масъули бойгонӣ)-и раёсати кадрҳо ва корҳои махсус
Маълумот барои тамос:
Телефон: 985-03-15-11; 938-22-08-38
E-mail: sharif.holmadov@gmail.com
