Ҳамкориҳои байналмилалӣ
Имзои Ёддошти тафоҳум байни Консерваторияи миллии Тоҷикистон ба номи Талабхӯҷа Сатторов ва Консерваторияи Тянҷини Ҷумҳурии Мардумии Чин
25 августи соли 2025, дар шаҳри Тянҷини Ҷумҳурии Мардумии Чин маросими тантанавии имзои Ёддошти тафоҳум байни Консерваторияи миллии Тоҷикистон ба номи Талабхӯҷа Сатторов ва Консерваторияи Тянҷини Чин баргузор гардид.
Дар маросим роҳбарият ва намояндагони ҳар ду муассисаи бонуфуз ширкат варзида, аҳаммияти ин иқдомро барои рушди робитаҳои фарҳангӣ ва илмии ду кишвар таъкид карданд.
Зикр гардид, ки ҳамкориҳои фарҳангиву эҷодӣ яке аз унсурҳои муҳимми таҳкими дӯстӣ ва ҳамкориҳои мутақобилан судманд байни Ҷумҳурии Тоҷикистон ва Ҷумҳурии Мардумии Чин мебошанд.
Имзои Ёддошти тафоҳум оғози як марҳилаи нав дар робитаҳои муассисаҳои олии мусиқии Тоҷикистон ва Чин буда, ба тавсеаи ҳамкориҳои касбӣ, таҳкими арзишҳои фарҳангӣ ва рушди истеъдодҳои ҷавон мусоидат хоҳад кард.
Дар поёни маросим ҷонибҳо ибрози итминон намуданд, ки натиҷаҳои ин ҳамкорӣ дар оянда ба манфиати омӯзгорон, донишҷӯён ва рушди фарҳанги миллӣ ва байналмилалӣ хоҳад буд.
