Консерти синфии омӯзгорони кафедраи фортепианои умумӣ

Имрӯз дар толори хурди Консерватория консерти синфии омӯзгорони кафедраи фортепианои умумӣ аз рӯйи Сюита аз балети композитори арманӣ Карен Сурэнович Хачатурян “Чиполлино”бахшида ба Соли нави мелодӣ баргузор гардид.

Барномаи консертии кафедраи фортепианои умумӣ хеле хуб таҳия шуда, оҳангҳо аз эҷодиёти композитори арманӣ Карен Сурэнович Хачатурян “Чиполлино” садо доданд. Устодону донишҷӯёни Консерватория бо маҳорати баланди навозандагӣ асарҳоро иҷро намуда, сазовори таҳсину офарини кулли ҳозирин гаштанд.

Консерти кафедраи фортепианои умумӣ хеле ҷолиб ва хотиромон ташкил карда шуда, роҳбари онро мудири кафедраи фортепианои умумӣ Рустамова Ҷамила Шарофиддинова ба уҳда доштанд.