Дар Консерваторияи миллии Тоҷикистон нишасти матбуотӣ доир гардид
1 августи соли 2025, дар асоси нақшаи ташкил ва гузаронидани нишастҳои матбуотӣ дар муассисаҳои таҳсилоти олии касбӣ барои ҷамъбасти нимсолаи аввали соли ҷорӣ, ки аз ҷониби Вазорати маориф ва илми Ҷумҳурии Тоҷикистон 14 июли соли 2025 тасдиқ гардидааст ва мутобиқи фармони Президенти Ҷумҳурии Тоҷикистон аз 4 марти соли 2005, № АП-1677 нишастҳои матбуотӣ барпо мегардад, дар Консерваторияи миллии Тоҷикистон ба номи Талабхӯҷа Сатторов нишасти матбуотӣ доир гардид.
Дар нишасти мазкур ректори Консерватория, номзади илмҳои санъатшиносӣ, дотсент Давлатзода Баҳодур Давлат, намояндаи Вазорати фарҳанги Ҷумҳурии Тоҷикистон, муовинони ректор, деканҳои факултетҳо, сардорони раёсату шуъбаҳо, мудирони кафедраҳо ва ҳайати омӯзгорон иштирок намуданд. Ҳамзамон, намояндагони васоити ахбори омма, аз ҷумла Агентии миллии иттилоотии «Ховар», рӯзномаҳои «Ҷумҳурият», «Омӯзгор», «Минбари халқ», «СССР», Агентии иттилоотии «Ҳамсадо», ҳафтаномаи «Адабиёт ва санъат», маҷаллаи «Илм ва ҳаёт», радиоҳои «Садои Душанбе», «Тоҷикистон», «Ховар», «Паёми Душанбе» ва дигарон – дар маҷмуъ 44 нафар ҳузур доштанд.
Дар оғози нишаст, ректори Консерватория ба намояндагони ВАО барои ташрифашон изҳори сипос намуда, доир ба натиҷаҳои фаъолияти шашмоҳаи аввали соли 2025, дастовардҳои назаррас ва дурнамои рушди муассиса маълумоти муфассал пешниҳод намуд.
Дар идомаи нишаст, намояндагони ВАО имконият пайдо карданд, ки саволҳои худро ба роҳбарияти муассиса пешниҳод намоянд. Ба ҳамаи саволҳо аз ҷониби ректори Консерватория ҷавобҳои муфассал ва қонеъкунанда пешниҳод гардид.
