Шоми мақом
Имрӯз дар толори хурди Консерватория консерти синфии аълочии фарҳанги Ҷумҳурии Тоҷикистон, и.в. дотсенти кафедраи сарояндагии анъанавӣ Абдурасул Исмоилов бахшида ба 80 солагии Ҳунарпешаи халқии Тоҷикистон, устоди зиндаёд Абдуҷалил Ҳошимов баргузор гардид.
Устод Абдуҷалил Ҳошимов ҳамчун сароянда, навозанда ва эҷодкор зиёда аз 180 суруду оҳангҳо аз асарҳои Шашмақом ва эҷоди хешро дар хазинаи заррини миллат ба ёдгор гузоштааст. Ҳамчунин устод ва тарбиятгар шогирдони зиёдро дар роҳи мусиқии классикии Шашмақом тарбия намудааст.
Барномаи консертиро мудири кафедраи сарояндагии анъанавӣ Зоиршо Ҳайдаров бо сухани ифттитоҳӣ оғоз намуд. Баъдан, устод Абдурасул Исмоилов дар бораи ҳаёт, кору фаъолият ва эҷодиёти Абдуҷалил Ҳошимов сухан карда, барномаи консертиро оғоз намуд. Дар барномаи консертӣ суруду оҳангҳо аз эҷодиёти устоди зиндаёд Абдуҷалил Ҳошимов иҷро гардиданд.
