Байни консерваторияҳои Тоҷикистон ва Чин Ёддошти тафоҳум ба имзо расид

Байни Консерваторияи миллии Тоҷикистон ба номи Талабхӯҷа Сатторов ва Консерваторияи Тянтсини Ҷумҳурии Мардумии Чин Ёддошти тафоҳум ба имзо расид.

Тавре ба АМИТ «Ховар»аз Консерваторияи миллии Тоҷикистон иттилоъ доданд, Ёддошти тафоҳум 25 августи соли 2025 дар шаҳри Тянтсини Ҷумҳурии Мардумии Чин ба имзо расид.

Ҳамкории фарҳангию эҷодӣ яке аз унсурҳои муҳимми таҳкими дӯстӣ ва ҳамкории мутақобили судманд байни Ҷумҳурии Тоҷикистон ва Ҷумҳурии Мардумии Чин мебошад. Ин санад ба рушди робитаҳои фарҳангӣ ва илмии ду мамлакат мусоидат менамояд.

Имзои Ёддошти тафоҳум оғози марҳилаи нав дар робитаҳои муассисаҳои олии мусиқии Тоҷикистон ва Чин буда, ба тавсеаи ҳамкории касбӣ, таҳкими арзишҳои фарҳангӣ ва рушди истеъдодҳои ҷавон мусоидат менамояд.